MARCA хабарига кўра, "Барселона" жамоани тарк этиши кутилаётган ярим ҳимоячи Марк Касадо учун талаб қилаётган маблағни тахминан 25 миллион еврогача туширди.
22 ёшли "Ла Масия" тарбияланувчисига мавсум бошланишидан олдин асосий таркибда мунтазам ўйин амалиёти кафолатланиши қийин экани маълум қилинган. Шундан сўнг футболчининг атрофидагилар Европадаги бошқа вариантларни ўрганишни бошлаган.
Касадонинг агенти Жорже Мендеш бутун ёз давомида унга янги клуб топиш устида ишламоқда. Бироқ "Барселона" дастлаб 30 миллион евродан ортиқ маблағ талаб қилгани сабаб потенциал харидорлар билан музокаралар олдинга силжимаган.
Саудия Арабистонининг "Ал-Ҳилол" клуби ҳам футболчига қизиқиш билдирган, аммо Касадо Европанинг топ-лигаларида қолишни устувор мақсад қилиб, Яқин Шарққа кўчиб ўтиш вариантини рад этган.
Айни пайтда "Сандерленд" ва "Ноттингем Форест" футболчининг вазиятини кузатиб бормоқда. Туркиянинг "Бешиктош" клуби эса трансфер ойнаси ёпилишидан олдин Касадони ўз сафига қўшиб олиш учун жиддий даъвогарлардан бирига айланган.
