ФИФА президенти Жанни Инфантинони танқид қилаётганлар орасида уни қўллаб-қувватлаётганлар ҳам бор. Жанубий Америкада бразилиялик Кафу ва Роберто Карлос, шунингдек, аргентиналик Хавьер Занетти Инфантинони қўллаб-қувватлади.
«Сўнгги ўн йил давомида биз ФИФА ва президент Инфантино томонидан футболчиларнинг футбол оламидаги вакиллигини таъминлаш борасида амалга оширилган ишларга гувоҳ бўлдик — илгари бундай эмас эди», — дея Кафу ва Занетти ижтимоий тармоқларда бир хил мазмундаги хабарни эълон қилди.
Роберто Карлос эса Кафунинг хабарини қайта улашиб, «собиқ терма жамоа ҳамкори» ва «капитан» деб атаган Кафунинг фикрига 100 фоиз қўшилишини билдирди.
