FIFA prezidenti Janni Infantinoni tanqid qilayotganlar orasida uni qo‘llab-quvvatlayotganlar ham bor. Janubiy Amerikada braziliyalik Kafu va Roberto Karlos, shuningdek, argentinalik Xavyer Zanetti Infantinoni qo‘llab-quvvatladi.
«So‘nggi o‘n yil davomida biz FIFA va prezident Infantino tomonidan futbolchilarning futbol olamidagi vakilligini ta’minlash borasida amalga oshirilgan ishlarga guvoh bo‘ldik — ilgari bunday emas edi», — deya Kafu va Zanetti ijtimoiy tarmoqlarda bir xil mazmundagi xabarni e’lon qildi.
Roberto Karlos esa Kafuning xabarini qayta ulashib, «sobiq terma jamoa hamkori» va «kapitan» deb atagan Kafuning fikriga 100 foiz qo‘shilishini bildirdi.
