«Астон Вилла» ҳужумчиси Олли Уоткинс «Ал-Ҳилол»га ўтишга яқин турибди.
Инсайдер Фабрицио Романо хабарига кўра, Бирмингем клуби 30 ёшли футболчи учун 58,4 миллион евро ва қўшимча 2 миллион евро бонусдан иборат таклифни қабул қилган. Трансфернинг барча шартлари келишиб олинган.
Яқин кунларда англиялик ҳужумчи тиббий кўрикдан ўтиш ва Ар-Риёд клуби билан шартнома имзолаш учун Саудия Арабистонига йўл олади.
Олли Уоткинс 2020 йилдан буён «Астон Вилла» шарафини ҳимоя қилиб келмоқда. Шу вақт мобайнида у Бирмингем клуби сафида барча мусобақаларда 278 та ўйин ўтказиб, 108 та гол урди ва 47 та голли узатмани амалга оширди.
Футболчининг «Астон Вилла» билан амалдаги шартномаси 2028 йилнинг ёзида якунланади.
