Мусса Диаби «Ал-Иттиҳод»дан «Байер»га ўтади.

Kicker ва Sky Sport журналисти Флориан Плеттенберг маълумотига кўра, клублар 27 ёшли вингер трансфери бўйича келишувга эришган. Битим қиймати 30 миллион евродан бироз камроқ бўлади.

Футболчи Германия клуби билан 2031 йилга қадар мўлжалланган шартнома имзолашга розилик берган. Айни пайтда томонлар битимнинг сўнгги тафсилотларини келишиб олмоқда.

Қайд этиш жоиз, Диаби аввал ҳам «Байер» сафида тўп тепган. У 2019 йилдан 2023 йилгача Леверкузен клуби шарафини ҳимоя қилган.

Аввалроқ франциялик футболчига «Интер» ҳам қизиқиш билдираётгани хабар қилинган эди.

Ўтган мавсум Саудия Арабистони чемпионатида Диаби 31 та учрашувда майдонга тушиб, 4 та гол урди ва 7 та голли узатмани амалга оширди.