Вильсон Изидор Англиянинг «Сандерленд» клуби билан шартномасини узайтирди. Бу ҳақда клубнинг расмий сайти хабар берди. Бугун, 27 август куни Изидор 26 ёшни қарши олди.
«Сандерленд» футбол клуби Вильсон Изидор билан 2030 йилгача мўлжалланган янги шартнома имзоланганини мамнуният билан эълон қилади.
26 ёшли ҳужумчи 2024 йил август ойида Санкт-Петербургнинг «Зенит» клубидан ижара асосида «Сандерленд»га қўшилган, кейин эса 2025 йил февраль ойида жамоага доимий равишда ўтган.
Клубдаги биринчи мавсумида у 12 та гол урди ва жамоаси билан Премьер-лигага қайтишга эришди. Изидор Чемпионшип плей-оффи ярим финалида «Ковентри Сити»га қарши сафардаги ғалаба қозонилган ўйинда муҳим голлардан бирини урди.
Айни пайтга қадар Изидор барча мусобақаларда 82 та учрашув ўтказиб, 19 та гол урган.
