Мюнхеннинг "Бавария" клуби 24 ёшли ярим ҳимоячи Брайан Сарагосанинг "Эспаньол"га ижарага берилганини расман эълон қилди. Келишув 2026/27 йилги мавсум охирига қадар амал қилади.
Сарагоса 2024 йил қишида "Гранада"дан "Бавария"га ўтганди. У Мюнхен клубининг асосий жамоаси сафида 7 та учрашув ўтказган, шундан кейин "Осасуна", "Сельта" ва "Рома" клубларида ижара асосида тўп тепган.
"Бавария" спорт директори Кристоф Фройнднинг таъкидлашича, Сарагоса сўнгги икки йил давомида турли клубларда қимматли тажриба тўплади ва энди ўзи яхши биладиган Ла Лигада ривожланишини давом эттиради.
Transfermarkt портали футболчининг бозор қийматини 8 миллион еврога баҳоламоқда.
