«Барселона» Ла Лига доирасида Бильбаонинг «Атлетик» клубини 2:0 ҳисобида мағлуб этди. Ҳанс-Дитер Флик жамоасига уч очкони Рафинья Диас ва Фермин Лопеснинг голлари келтирди. Улар мос равишда 37 ва 82-дақиқаларда рақиб дарвозасини ишғол қилди.
Каталонияликлар учрашув давомида барча асосий кўрсаткичлар бўйича устунлик қилди. Шунга қарамай, баҳснинг энг яхши футболчиси меҳмонлар дарвозабони Унаи Симон деб топилди.
Унаи Симон саккизта зарбани қайтарди ва xG бўйича қарийб икки голнинг олдини олди — унинг бу кўрсаткичи 1,69 ни ташкил этди. Дарвозабоннинг ишончли ҳаракатларисиз басклар йирик ҳисобда мағлуб бўлиши ҳам мумкин эди.
«Барселона» икки ўйиндан сўнг 6 очко билан Ла Лига турнир жадвалида пешқадамлик қилмоқда. «Атлетик» эса ҳали очко жамғара олмаган ва сўнгги ўринда бормоқда.
