«Барселона» ярим ҳимоячиси Родри Эрнандес жамоадоши Ламин Ямаль ҳақида фикр билдирди.

Пайшанба куни каталонияликлар Ла Лига доирасида «Атлетик» Бильбаони 2:0 ҳисобида мағлуб этди. Ямаль рақиб дарвозасига 7 марта зарба берди, аммо гол ура олмади. Шу билан бирга, у яратилган голли вазиятлар бўйича жамоасида етакчи бўлди — 5 та.

«Ламин — ажойиб футболчи. Унинг ортида осон бўлмаган давр қолди, у бироз тушкунликка тушган эди. Биз уни қўллаб-қувватлашга ҳаракат қилдик ва бугун унинг энг яхши версиясини кўрганимиздан хурсандман. Гарчи у гол урмаган бўлса-да, унинг ўйини бизни хурсанд қилди — биз ундан айнан шундай ўйин кутгандик. Голлар албатта келади, чунки унинг истеъдоди доимо ўзи билан», — дея Родри сўзларини Barca Universal келтирди.

30 ёшли ярим ҳимоячининг ўзи учун «Атлетик»ка қарши учрашув «Барселона»даги дебюти бўлди — у 63-дақиқада захирадан майдонга тушди.