«Барселона» бош мураббийи Ханс-Дитер Флик Ла Лиганинг «Атлетик» Бильбаога қарши 2:0 ҳисобидаги ғалаба билан якунланган учрашувида жамоасининг намойиш этган ўйини ҳақида фикр билдирди.

Каталонияликлар ҳар икки бўлимда биттадан гол урди: 37-дақиқада Рафинья Диаш ҳисобни очган бўлса, 82-дақиқада Фермин Лопес якуний натижани ўрнатди.

«Ҳар доим ўз дарвозангдан гол ўтказиб юбормасдан ўйнаш муҳим, аммо гол уриш ҳам ундан кам аҳамиятга эга эмас. Бугун бизда кўплаб имкониятлар бўлди, жамоадан мамнунман. Тўпни яхшироқ назорат қилишни ўрганишимиз керак.

Мен алоҳида футболчилар ҳақида гапиришни ёқтирмайман. Менга жамоавий ўйинимиз ёқди. Ҳисоб янада йирикроқ бўлиши мумкин эди, аммо бизга кучли рақиб қарши турди. Умуман олганда, ўйинни тўлиқ назорат қилдик ва ажойиб кўринишда бўлдик. Учрашув охирида чарчоқ сезилди, аммо бу табиий ҳол», — дея Фликнинг сўзларини BarcaTimes келтирди.

«Барселона» 6 очко ва 7:0 тўплар нисбати билан Ла Лига жадвалида пешқадамлик қилмоқда.