Англиялик футболчи 2011 йилдан 2023 йилгача Чемпионшипда иштирок этаётган ушбу клубда тўп сурган.

Аввалроқ «Саутгемптон» 31 ёшли футболчининг трансферини 1 миллион фунтдан камроқ суммага келишиб олгани хабар қилинган эди.

«Биз Жеймс Уорд-Проузнинг «Вест Хэм Юнайтед»дан қайтганини эълон қилишдан хурсандмиз. Ярим ҳимоячи икки йиллик шартнома имзолади.

31 ёшли футболчи клуб билан 20 йиллик алоқасини қайта тиклади. У саккиз ёшида академиямизда фаолиятини бошлаган ва асосий жамоа сафида 410 та учрашув ўтказган.

2023 йил ёзида «Вест Хэм»га ўтганидан сўнг Англия терма жамоаси футболчиси «болғачилар» сафида 75 та ўйинда майдонга тушди. Шунингдек, у «Ноттингем Форест» ва «Бёрнли» клубларида ижара асосида ўйнади ва Премьер-лигадаги умумий ўйинлари сонини 422 тага етказди», — дейилади «Саутгемптон» баёнотида.