"Ренн" Франция Профессионал футбол лигаси (LFP) чемпионат иккинчи даврасидаги "ПСЖ"га қарши учрашувни "Парк де Пренс"да ўтказиш ҳақида қарор қабул қилганидан сўнг, Франция Миллий олимпия ва спорт қўмитасига (CNOSF) мурожаат қилиш имкониятини кўриб чиқмоқда.
Дастлаб 1-тур доирасидаги ва 2:2 ҳисобида якунланган учрашув Париждаги иссиқ ҳаво туфайли "Парк де Пренс" майдонининг чимини ёмон ҳолатга келгани сабаб "Ренн" стадионига кўчирилган эди.
Бретань клуби 23-турда март ойида ўтказиладиган жавоб учрашувининг Парижда ташкил этилишини адолатсиз қарор деб ҳисобламоқда.
"Ренн" бош мураббийи Франк Эз ҳам норозилигини яширмади:
"Балким, март ойида ҳам иссиқ бўлар", — деди мутахассис.
Шундан сўнг у вазиятни муҳокама қилишни давом эттиришдан бош тортди ва LFP қарорига клубнинг ўзи жавоб беришини маълум қилди.
