«Атлетико» Испания чемпионатининг 3-турида сафарда «Севилья»ни 3:1 ҳисобида мағлуб этди.

Мадридликлар биринчи бўлимнинг ўзида учта гол уриб, катта устунликка эга бўлишди. 4-дақиқада Алекс Баэна ҳисобни очди. 26-дақиқада Адемола Лукман «Атлетико»нинг иккинчи голини урди.

33-дақиқада Баэна яна бир бор рақиб дарвозасини ишғол қилиб, дубль расмийлаштирди.

«Севилья» иккинчи бўлимда битта гол билан жавоб қайтарди. 66-дақиқада Мигель Анхель Сьерра ҳисобни қисқартирди, аммо бу мезбонларни мағлубиятдан қутқариб қолиш учун етарли бўлмади.

Шу тариқа, «Атлетико» 3 та ўйиндан кейин 7 очко тўплаб, Испания чемпионати турнир жадвалида пешқадамлик қилмоқда. «Севилья» эса 6 очко билан 5-ўринда бормоқда.