Сенегаллик ҳимоячи Калиду Кулибали Саудия Арабистони чемпионатида «Ал-Ҳилол» сафида ғалати хатога йўл қўйди.
Эпизодда дарвозабон Яссин Буну тўпни Кулибалига узатди. Ҳимоячи эса тўп ҳали ўйинга киритилмаган, деб ўйлаб, уни қўлига олди ва кейин ўйинни давом эттиришга тайёрланди.
Бироқ ҳакам Бунунинг узатмасидан кейин тўп аллақачон ўйинга киритилган, деб ҳисоблади. Шу сабаб Кулибалининг ҳаракати ўз жарима майдонида қўл билан ўйнаш сифатида баҳоланди ва рақиб фойдасига пенальти белгиланди.
Шунга қарамай, 11 метрлик зарба голга айланмади.
Эслатиб ўтамиз, Кулибали 2026 йилги жаҳон чемпионатида ҳам Сенегал терма жамоаси сафидаги ўйинлардан бирида қўпол хатога йўл қўйиб, рақибга голли вазият тақдим этган эди.
