«Ал-Ҳилол»нинг французиялик ҳужумчиси Карим Бензема Жазоирнинг бир қатор ҳудудларини қамраб олган кенг кўламли ўрмон ёнғинларидан сўнг мамлакат аҳолисига қўллаб-қувватлаш билдирди.

«Барча ўй-хаёлларим ёнғин қурбонлари, уларнинг оилалари, жабрланганлар ва бу оғир синовни бошдан кечираётган барча инсонлар билан», — деб ёзди футболчи ижтимоий тармоқларда.

Ота-онаси Жазоирдан бўлган Бензема, шунингдек, ёнғинларни бартараф этишда иштирок этаётган ўт ўчирувчилар ва қутқарувчиларга миннатдорлик билдирди.

Жазоир Ички ишлар вазирлиги маълумотига кўра, ёнғинлар оқибатида 12 киши ҳалок бўлган.

Жорий мавсумда 38 ёшли форвард 2 та учрашувда майдонга тушиб, 1 та гол урди. Transfermarkt портали унинг бозор қийматини 5 миллион еврога баҳоламоқда.