«Интер Майами» ҳужумчиси Лионель Месси фаолиятидаги голлари сонини 927 тага етказди.

39 ёшли аргентиналик футболчи МЛС доирасида «Монреаль»га қарши 7:1 ҳисобида якунланган учрашувда покер қайд этди ва битта голли узатмани амалга оширди.

Шу тариқа, Месси ушбу баҳсда фаолиятидаги 924, 925, 926 ва 927-голларини урди.

Умуман олганда, аргентиналик юлдуз профессионал фаолияти давомида 1171 та учрашувда майдонга тушиб, 927 та гол урган ва 421 та голли узатмани амалга оширган.

41 ёшли «Ал-Наср» ҳужумчиси Криштиану Роналду эса фаолияти давомида 1333 та ўйинда 978 та гол ва 261 та голли узатмани ўз ҳисобига ёздирган.