«Торино» «Лидс» дарвозабони Лукас Перрини ижара асосида ўз сафига қўшиб олди. Келишув 2027 йилнинг 30 июнига қадар мўлжалланган.
28 ёшли бразилиялик футболчи 2025 йилдан буён «Лидс» шарафини ҳимоя қилиб келаётган эди. У 2025/26 йилги мавсумда 20 та учрашувда майдонга тушиб, ўз дарвозасидан 33 та гол ўтказиб юборган.
Перри бунга қадар «Лион», «Ботафого» ва «Сан-Паулу» клубларида ҳам тўп тепган.
Дарвозабоннинг «Лидс» билан амалдаги шартномаси 2029 йилнинг 30 июнига қадар давом этади. Шу билан бирга, «Торино»да футболчини кейинчалик тўлиқ сотиб олиш ҳуқуқи ҳам бўлади.
Transfermarkt портали Лукас Перрининг бозор қийматини 10 миллион еврога баҳоламоқда.
