"Ливерпуль" ҳужумчиси Коди Гакпо яқин вақт ичида "Манчестер Сити" футболчисига айланиши мумкин. Бу ҳақда инсайдер Фабрицио Романо хабар берди.
Манба маълумотига кўра, "шаҳарликлар" нидерландиялик футболчи трансфери амалга ошишига ишонч билан қарамоқда. Бироқ бунинг учун "Ливерпуль" аввало Гакпога муносиб ўринбосар топиши керак.
Кутилишича, 27 ёшли футболчининг трансфери "Манчестер Сити"га қарийб 100 миллион еврога тушади.
Шунингдек, Гакпонинг ўзи Манчестер клуби билан 5 йиллик шартнома шартларини аллақачон келишиб олгани айтилмоқда.
Гакпо 2023 йилдан буён "Ливерпуль" шарафини ҳимоя қилиб келмоқда. У ПСВдан мерсисайдликлар сафига қўшилганидан бери барча мусобақаларда 182 та учрашув ўтказиб, 51 та гол урган ва 24 та голли узатмани амалга оширган.
