"Liverpul" hujumchisi Kodi Gakpo yaqin vaqt ichida "Manchester Siti" futbolchisiga aylanishi mumkin. Bu haqda insayder Fabrisio Romano xabar berdi.

Manba ma’lumotiga ko‘ra, "shaharliklar" niderlandiyalik futbolchi transferi amalga oshishiga ishonch bilan qaramoqda. Biroq buning uchun "Liverpul" avvalo Gakpoga munosib o‘rinbosar topishi kerak.

Kutilishicha, 27 yoshli futbolchining transferi "Manchester Siti"ga qariyb 100 million yevroga tushadi.

Shuningdek, Gakponing o‘zi Manchester klubi bilan 5 yillik shartnoma shartlarini allaqachon kelishib olgani aytilmoqda.

Gakpo 2023 yildan buyon "Liverpul" sharafini himoya qilib kelmoqda. U PSVdan mersisaydliklar safiga qo‘shilganidan beri barcha musobaqalarda 182 ta uchrashuv o‘tkazib, 51 ta gol urgan va 24 ta golli uzatmani amalga oshirgan.