«Ньюкасл» «Лилль»нинг 21 ёшли бельгиялик ҳужумчиси Матиас Фернандес-Пардо трансфери бўйича келишувга яқинлашди. Бу ҳақда Get French Football News хабар берди.
Фернандес-Пардо 29 август куни «ПСЖ»га қарши учрашув учун «Лилль» қайдномасига киритилмади. Шунингдек, у сўнгги машғулотларда ҳам иштирок этмагани ва француз клуби сафидаги сўнгги ўйинини ўтказиб бўлган бўлиши мумкинлиги айтилмоқда.
«Ньюкасл» ёз давомида футболчига қизиқиш билдириб келган, аммо томонлар узоқ вақт унинг трансфер қиймати бўйича келишувга эриша олмаган. Энди эса музокараларда жиддий силжиш юз берган.
Фернандес-Пардо ўтган мавсумда 41 та учрашувда майдонга тушиб, 8 та гол урди ва 7 та голли узатмани амалга оширди.
