Ўзбекистон кубогининг 1/8 финал босқичида "Сўғдиёна" "Жайхун"ни 2:0 ҳисобида мағлуб этиб, чорак финалга йўл олди.
Зоминдаги "Зомин" стадионида ўтган учрашувда ҳисоб 33-дақиқада очилди. Петар Мичиннинг узатмасидан сўнг Филип Иванович "Сўғдиёна"ни олдинга олиб чиқди.
Иккинчи бўлимда "Жайхун" ҳисобни тенглаштиришга уринди, аммо мезбонлар устунликни сақлаб қолди. Баҳснинг 89-дақиқасида захирадан майдонга тушган Абдулазизхон Абдурашидов иккинчи голни уриб, учрашув тақдирини ҳал қилди.
Шу тариқа, "Сўғдиёна" 2:0 ҳисобида ғалаба қозониб, Ўзбекистон кубогининг чорак финалига чиқди.
