Дортмунднинг «Боруссия» клуби ҳужумкор ярим ҳимоячиси Яннис Константелиас Бундеслига 1-туридан ўрин олган «Гамбург»га қарши учрашувда чап тиззасининг олдинги хочсимон боғламини узиб олди. 29 август куни бўлиб ўтган баҳс «Боруссия»нинг 2:0 ҳисобидаги ғалабаси билан якунланган.
23 ёшли грециялик футболчи учрашувнинг 52-дақиқасида майдон марказида йиқилиб тушди ва кўп ўтмай алмаштирилди. Оғир жароҳат сабаб у бир неча ой давомида майдонга чиқа олмайди.
Константелиас «Боруссия» Дортмунд сафига 17 август куни ПАОКдан кўчиб ўтган эди. Трансфер қиймати бонуслар билан бирга 32 миллион еврони ташкил этган. Шунингдек, Греция клуби футболчининг келажакдаги трансферидан 15 фоиз улуш олади.
Яннис янги жамоаси сафида ҳозирга қадар 2 та учрашув ўтказишга улгурди.
Эслатиб ўтамиз, жорий мавсум Европа лигаси саралашининг 2-босқичида Константелиас «Динамо»га қарши икки ўйинлик қарама-қаршиликда ПАОК сафида 3 та гол урган эди.
