«Бенфика» «Манчестер Сити»нинг ҳужумкор ярим ҳимоячиси Клаудио Эчеверрини трансфер қилиш бўйича келишувга эришди.
Журналист Фабрицио Романо хабар беришича, клублар ўртасида келишувга эришилган. 20 ёшли футболчи «Бенфика»га ижара асосида ўтади, бунда Лиссабон клуби унинг маошини тўлиқ қоплайди. Шунингдек, келишувга футболчини сотиб олиш опцияси ҳам киритилади.
Эчеверри трансферни расмийлаштириш учун бугуннинг ўзида Португалияга йўл олиши кутилмоқда. Футболчини сотиб олиш опцияси қиймати ҳозирча маълум қилинмаган.
«Манчестер Сити» Эчеверрини 2024 йил январь ойида «Ривер Плейт»дан сотиб олган эди. Бироқ аргентиналик футболчи яна бир йил ўз тарбияланиб чиққан клубида қолган. Шунингдек, у «Байер» ва «Жирона» клубларида ижара асосида тўп сурган.
