Сербиялик ҳужумчи Душан Влахович А Сериядан Туркия Суперлигасига йўл олган навбатдаги таниқли футболчилардан бири бўлди. У «Бешиктош» сафидаги илк ўйинидаёқ учта гол уриб, янги жамоасида ёрқин дебют қилди.
Бу Туркия чемпионати юқори дивизиони дебютанти «Чорум»га қарши учрашувда содир бўлди.
Влахович дастлаб пенальтини аниқ амалга оширди. Кейин эса иккинчи бўлимда ўйиндан яна икки марта рақиб дарвозасини ишғол қилди.
Натижада «Бешиктош» 6:2 ҳисобида йирик ғалабага эришди. Жамоа ҳозирда 6 очко билан Туркия Суперлигаси турнир жадвалида учинчи ўринни эгаллаб турибди.
Кейинги турда «Бешиктош»ни принципиал учрашув кутиб турибди — жамоа «Фенербахче»га қарши майдонга тушади.
