«Фиорентина» исландиялик вингер Альберт Гудмундссоннинг «Лацио»га ижара асосида ўтганини расман эълон қилди. Келишувда футболчини кейинчалик сотиб олиш ҳуқуқи ҳам кўзда тутилган.

Гудмундссон 2024 йилдан буён «Фиорентина» шарафини ҳимоя қилиб келаётган эди. У фаолияти давомида ПСВ, «АЗ Алкмаар» ва «Женоа» каби клубларда ҳам тўп сурган.

29 ёшли футболчи «Фиорентина» сафида жами 81 та ўйин ўтказиб, 19 та гол урди ва 9 та голли узатмани амалга оширди.

Гудмундссон Исландия миллий терма жамоаси сафида 46 та учрашувда майдонга тушиб, 14 та гол урган.

Инсайдер Фабрицио Романо маълумотига кўра, «Лацио» футболчини кейинчалик 12 миллион евро эвазига тўлиқ сотиб олиши мумкин.