«Fiorentina» islandiyalik vinger Albert Gudmundssonning «Lasio»ga ijara asosida o‘tganini rasman e’lon qildi. Kelishuvda futbolchini keyinchalik sotib olish huquqi ham ko‘zda tutilgan.

Gudmundsson 2024 yildan buyon «Fiorentina» sharafini himoya qilib kelayotgan edi. U faoliyati davomida PSV, «AZ Alkmaar» va «Jenoa» kabi klublarda ham to‘p surgan.

29 yoshli futbolchi «Fiorentina» safida jami 81 ta o‘yin o‘tkazib, 19 ta gol urdi va 9 ta golli uzatmani amalga oshirdi.

Gudmundsson Islandiya milliy terma jamoasi safida 46 ta uchrashuvda maydonga tushib, 14 ta gol urgan.

Insayder Fabrisio Romano ma’lumotiga ko‘ra, «Lasio» futbolchini keyinchalik 12 million yevro evaziga to‘liq sotib olishi mumkin.