Гана футбол ассоциацияси Карлуш Кейрушнинг миллий терма жамоа бош мураббийи лавозимига қайтиши бўйича келишувга эришилганини эълон қилди.
73 ёшли португалиялик мутахассис 2026 йилги жаҳон чемпионатининг 1/16 финалида Колумбияга 0:1 ҳисобидаги мағлубиятдан сўнг июль ойи бошида Гана терма жамоасини тарк этган эди.
Гана мундиалнинг гуруҳ босқичида Панамани 1:0 ҳисобида мағлуб этди, Англия билан 0:0 ҳисобида дуранг ўйнади ва Хорватияга 1:2 ҳисобида имкониятни бой берди.
Сентябрь ойида Гана терма жамоаси 2027 йилги Африка кубоги саралаш босқичида иштирокини бошлайди.
«Қора юлдузлар» саралаш босқичида Кот-д’Ивуар, Гамбия ва Сомали терма жамоалари билан бир гуруҳдан жой олган.
