Камерун терма жамоасининг собиқ ҳужумчиси ва Камерун футбол федерациясининг амалдаги президенти Самуэль Это'О ФИФА президенти Жанни Инфантинони қўллаб-қувватлашини билдирди.
Это'О Африка футболи Инфантино раҳбарлигида сезиларли ютуқларга эришганини таъкидлади.
"Жанни Инфантино футболни ўзгартирди. У қитъамизга ёрдам берди, федерацияларимизнинг жадал ривожланишига кўмаклашди ва биз буни тан олишимиз керак. Биз уни ҳозиргача қилган ишлари учун қўллаб-қувватлашимиз керак", деди Этўо.
Камерун футболи раҳбари шунингдек, Инфантино қўл остида илгари Жаҳон чемпионатида қатнашиш имконияти деярли бўлмаган мамлакатлар янги имкониятларга эга бўлганини таъкидлади.
Шуни таъкидлаш керакки, Инфантино 2027 йил 18 мартга белгиланган ташкилот конгрессида ФИФА президентлиги учун яна номзодини қўйиш ниятини эълон қилди.
