Kamerun terma jamoasining sobiq hujumchisi va Kamerun futbol federasiyasining amaldagi prezidenti Samuel Eto'O FIFA prezidenti Janni Infantinoni qo‘llab-quvvatlashini bildirdi.

Eto'O Afrika futboli Infantino rahbarligida sezilarli yutuqlarga erishganini ta’kidladi.

"Janni Infantino futbolni o‘zgartirdi. U qit’amizga yordam berdi, federasiyalarimizning jadal rivojlanishiga ko‘maklashdi va biz buni tan olishimiz kerak. Biz uni hozirgacha qilgan ishlari uchun qo‘llab-quvvatlashimiz kerak", dedi Eto‘o.

Kamerun futboli rahbari shuningdek, Infantino qo‘l ostida ilgari Jahon chempionatida qatnashish imkoniyati deyarli bo‘lmagan mamlakatlar yangi imkoniyatlarga ega bo‘lganini ta’kidladi.

Shuni ta’kidlash kerakki, Infantino 2027 yil 18 martga belgilangan tashkilot kongressida FIFA prezidentligi uchun yana nomzodini qo‘yish niyatini e’lon qildi.