"Рома" бош мураббийи Жан Пьеро Гасперини Дониэлл Мален жорий мавсумда А Серияда Гонсало Игуаинга тегишли 36 голлик рекордга яқинлашиши мумкин, деб ҳисоблайди.

27 ёшли нидерландиялик ҳужумчи янги мавсумни жуда кучли бошлади ва дастлабки 2 та ўйинда 5 та гол урди.

"Унинг биринчи ҳаракати бўшлиқ яратади, иккинчиси билан ўзини зарбага тайёрлайди, учинчиси билан эса зарба беради. Мен ўзимга шундай дедим: агар шу учта ҳаракатни дарвозага яқинроқ жойда амалга оширса, у жуда хавфли ҳужумчига айланади. Ва ҳақиқатдан ҳам шундай бўляпти.

У бир неча гол урган бўлса ҳам, голга бўлган иштиёқини сақлаб қолиши керак.

Хато қилиш мумкин, лекин хато қилишнинг ҳам тўғри ва нотўғри йўли бор. "Лечче"га қарши ўйинда иккинчи гол вазиятида у жуда бепарво ҳаракат қилди.

Агар у Игуаиннинг 36 голлик рекордига таҳдид сола бошласа, мен бундан ҳайрон бўлмайман", — деди Гасперини.