"Roma" bosh murabbiyi Jan Pyero Gasperini Doniell Malen joriy mavsumda A Seriyada Gonsalo Iguainga tegishli 36 gollik rekordga yaqinlashishi mumkin, deb hisoblaydi.

27 yoshli niderlandiyalik hujumchi yangi mavsumni juda kuchli boshladi va dastlabki 2 ta o‘yinda 5 ta gol urdi.

"Uning birinchi harakati bo‘shliq yaratadi, ikkinchisi bilan o‘zini zarbaga tayyorlaydi, uchinchisi bilan esa zarba beradi. Men o‘zimga shunday dedim: agar shu uchta harakatni darvozaga yaqinroq joyda amalga oshirsa, u juda xavfli hujumchiga aylanadi. Va haqiqatdan ham shunday bo‘lyapti.

U bir necha gol urgan bo‘lsa ham, golga bo‘lgan ishtiyoqini saqlab qolishi kerak.

Xato qilish mumkin, lekin xato qilishning ham to‘g‘ri va noto‘g‘ri yo‘li bor. "Lechche"ga qarshi o‘yinda ikkinchi gol vaziyatida u juda beparvo harakat qildi.

Agar u Iguainning 36 gollik rekordiga tahdid sola boshlasa, men bundan hayron bo‘lmayman", — dedi Gasperini.