«Рома» ҳужумчиси Пауло Дибала ва ҳимоячи Эван Ндика «Аталанта»га қарши ўйин олдидан жамоавий машғулотда тўлиқ иштирок этди, дея хабар бермоқда Football Italia.

Бу футболчиларнинг шанба куни Римда ўтадиган учрашувда асосий таркибда майдонга тушиши учун жисмоний ҳолати етарли эканини англатади.

Дибала машғулотларда мушаклари юкламага қандай муносабат билдиришини текшириб кўриши керак эди.

Sky Sport Italia маълум қилишича, аргентиналик футболчи машғулотни муаммосиз тўлиқ ўтказган. Ндика эса ўтган ҳафта «Лечче»га қарши баҳс олдидан мушакларидаги муаммо сабаб таркибдан чиқарилган эди.

Ҳимоячи тўлиқ тикланган ва унинг асосий таркибга қайтиши кутилмоқда.