«Сантос» ҳужумчи Неймарнинг жароҳат олганини маълум қилди.

Бразилия клуби хабарига кўра, 34 ёшли футболчи тиббий кўрикдан ўтказилган ва унинг ўнг сон қисми мушакларида жароҳат аниқланган.

Globo нашри маълумотига кўра, бундай жароҳатдан тикланиш одатда тўрт ҳафтадан саккиз ҳафтагача вақт олиши мумкин.

Неймар 2 сентябрь куни Бразилия кубоги чорак финалининг «Палмейрас»га қарши жавоб учрашувида ноқулайлик ҳис қилган. 0:0 ҳисобида якунланган баҳсда у биринчи бўлимдан кейин алмаштирилган.

Жорий мавсумда Неймар «Сантос» сафида барча мусобақалар доирасида 24 та ўйин ўтказиб, 8 та гол урди ва 8 та голли узатмани амалга оширди.