«Ал-Иттиҳод» Саудия Арабистони чемпионатининг 5-туридан ўрин олган учрашувда ўз майдонида «Ан-Наср»ни 2:1 ҳисобида мағлуб этди.

Мезбонлар сафида Жорж Иленихена дубль қайд этди. «Ан-Наср»нинг ягона голига Анжело муаллифлик қилди.

«Ан-Наср» ҳужумчиси Криштиану Роналду асосий таркибда майдонга тушди ва учрашувни тўлиқ ўтказди. Бироқ португалиялик юлдуз гол ёки голли узатма билан ажралиб тура олмади.

Ушбу ғалабадан сўнг «Ал-Иттиҳод» 11 очко билан Саудия Арабистони чемпионати-2026/27 турнир жадвалида 4-ўринга кўтарилди.

«Ан-Наср» эса мавсумдаги илк мағлубиятини қабул қилиб олди. Жамоа 12 очко билан 2-ўринни эгаллаб турибди.

Кейинги турда «Ал-Иттиҳод» ўз майдонида «Ал-Файҳа»ни қабул қилади. «Ан-Наср» эса «Абҳа»га қарши уй учрашувини ўтказади.