«Рома» Италия чемпионатининг 3-турида «Аталанта»ни мағлуб этди ва римликлар учун бу А Сериядаги кетма-кет саккизинчи ғалаба бўлди.

Жамоа ўтган мавсумнинг сўнгги бешта учрашувида зафар қучган, жорий мавсумда эса дастлабки уч турнинг барчасида ғалаба қозонди.

Шу тариқа, Жан Пьеро Гасперини «Рома» тарихида А Серияда кетма-кет саккиз ёки ундан ортиқ ғалабага эришган учинчи мураббийга айланди.

Унга қадар бундай натижани Лучано Спаллетти ва Руди Гарсия қайд этган. Спаллетти 2005/06 йилги мавсумда кетма-кет 11 та, 2016 йилда эса 8 та ғалаба қозонган. Руди Гарсия эса 2013 йилда 11 та, 2014 йилда 9 та ўйинда кетма-кет зафар қучган.

Кейинги турда «Рома» сафарда «Торино»га қарши майдонга тушади.