«Барселона» ҳимоячиси Жерар Мартин жамоа жорий мавсумда Чемпионлар лигасида ғолиб чиқишни асосий мақсадлардан бири сифатида белгилаганини айтди.
«Бизда Чемпионлар лигасини ютишга жуда катта иштиёқ бор. Бу мусобақа бизда алоҳида ҳаяжон уйғотади», — дея Мартиннинг сўзларини Barça Universal келтирди.
«Барселона» 9 сентябрь куни Чемпионлар лигаси умумий босқичининг 1-турида ўз майдонида «Фейеноорд»ни қабул қилади.
Каталонияликлар сўнгги бор 2015 йилда Чемпионлар лигасида ғолиб чиққан. Ўшанда «Барселона» финалда «Ювентус»ни 3:1 ҳисобида мағлуб этган эди.
Ўша даврда жамоа сафида Лионель Месси, Луис Суарес ва Неймар каби юлдуз футболчилар тўп сурган.
