"Барселона" вингери Рафинья Испания Ла Лигасида каталонияликлар сафида урган голлари сонини 50 тага етказди.

Шу тариқа, бразилиялик футболчи "Барселона" тарихида Ла Лигада энг кўп гол урган бразилияликлар орасида кучли бешликдан жой олмоқда.

Бу кўрсаткич бўйича Ривалдо 86 та гол билан етакчилик қилмоқда. Кейинги ўринларда Эваристо — 78, Роналдиньо — 69 ва Неймар — 68 та гол билан жойлашган. Рафинья эса 50 та гол билан уларни таъқиб қилмоқда.

Энди Рафиньяга Неймарнинг натижасига етиб олиш учун яна 18 та, Роналдиньога тенглашиш учун эса 19 та гол керак.