Бразилиянинг «Крузейро» клуби ҳужумчиси Кайо Жорже Германия Бундеслигасига кўчиб ўтиши мумкин. Бу ҳақда инсайдер Экрем Конур ижтимоий тармоқларда хабар берди.

Манбага кўра, форвардга Леверкузеннинг «Байер»и ва «Бавария» қизиқиш билдирмоқда. Мюнхенликлар Жоржени Харри Кейнга эҳтимолий ўринбосар сифатида кўриб чиқмоқда.

Шунингдек, бразилиялик футболчини «Милан», «Бенфика», «Фиорентина» ва «Астон Вилла» клублари ҳам кузатиб бормоқда. Бразилия томони трансфердан 40–45 миллион евро олишни кутмоқда.

Жорже Бразилия чемпионатининг жорий мавсумида 19 та учрашувда майдонга тушиб, еттита гол урди.