«Манчестер Юнайтед»нинг собиқ ҳимоячиси Гарри Невилл АПЛнинг 3-турида «Арсенал»дан 1:2 ҳисобидаги мағлубиятдан сўнг «Челси»нинг ҳимоя чизиғини танқид қилди.

«Фофана, Лакруа ва Ачимпонгдан иборат учликка қарасам, гўё уларнинг оёқлари сон қисми билан, сонлари эса танаси билан уйғун ишламаётгандек туюлади. Улар бироз тартибсиз ҳаракат қилаётгандек.

Мен ўзим кўрган энг яхши учлик ҳимоя чизиғини эслайман. Бу «Ювентус» ва Италия терма жамоасида Андреа Барцальи, Леонардо Бонуччи ва Жоржо Кьеллинидан иборат учлик эди. Улар ҳақиқий гигантлар эди.

Улар бир бутун бўлиб ҳаракат қиларди, позицияни қандай танлашни биларди, ҳаводаги курашларда ажойиб эди, қачон олдинга чиқиш ва қачон чуқурроқ ҳимояланиш кераклигини яхши тушунарди. Шунингдек, олдиларидаги футболчилар ҳаракатини ҳам бошқарарди.

Балким, «Челси»га яна футболчилар сотиб олишга тўғри келар. Чунки улар кейинги бир-икки йилни Хаби Алонсо билан ўтказади. У аллақачон катта иш қилди. Энди унга фақат ишончли кўринадиган учлик ҳимоя чизиғи керак.

Ҳозирги ҳимоя бундай кўринмаяпти, бироз парокандадек. Айни пайтда асосий муаммо шу», — деди Невилл.