"ПСЖ" Килиан Мбаппе жамоани тарк этганидан кейин Чемпионлар лигасини кетма-кет икки марта қўлга киритди. Франция терма жамоаси сардори Париж клубининг усиз эришган муваффақиятлари ҳақида фикр билдирди.
"ПСЖ"нинг менсиз ютуқларими? Мен бунга таъсир қила олмайман. Ростини айтсам, менга барибир. Мен футболни таҳлил қила оламан ва нима учун шундай бўлганини тушунаман. Футбол ҳақида ҳамма нарсани билмайман, аммо кўпчиликдан кўпроқ нарсани биламан.
"Реал"даги тажрибам шуни кўрсатдики, келажакка жуда узоқ қараб кетмаслик керак, чунки кўп нарса ўзгариб кетиши мумкин. Мен ҳозир жамоамга ғалаба қозонишда қандай ёрдам бериш ва Чемпионлар лигасидаги йўлни яхши бошлаш ҳақида ўйлашни истайман", — дея Мбаппенинг сўзларини BBC келтирди.
8 сентябрь, сешанба куни "Реал" Чемпионлар лигаси доирасида ўз майдонида "Интер"ни қабул қилади.
