«Бавария»нинг собиқ футболчиси Рафаэл Геррейру фаолиятини Италияда давом эттириши мумкин. Португалиялик универсал футболчини «Рома» ўз сафига қўшиб олишга қизиқмоқда.

Журналист Экрем Конур маълумотига кўра, Рим клуби ҳимоянинг чап қанотини кучайтириш вариантларини кўриб чиқмоқда. «Рома» ҳозирча якуний қарор қабул қилмаган, аммо 32 ёшли Геррейру номзодини бошқа вариантлар қаторида жиддий ўрганмоқда.

Геррейру ўтган мавсум якунига етгач, эркин агентга айланган. У «Бавария» сафида уч йил ўйнади. Ҳимоянинг бир нечта позициясида, шунингдек, ярим ҳимояда ҳам ҳаракат қила оладиган футболчи бунга қадар етти йил давомида Дортмунднинг «Боруссия»си шарафини ҳимоя қилган.