«Bavariya»ning sobiq futbolchisi Rafael Gerreyru faoliyatini Italiyada davom ettirishi mumkin. Portugaliyalik universal futbolchini «Roma» o‘z safiga qo‘shib olishga qiziqmoqda.

Jurnalist Ekrem Konur ma’lumotiga ko‘ra, Rim klubi himoyaning chap qanotini kuchaytirish variantlarini ko‘rib chiqmoqda. «Roma» hozircha yakuniy qaror qabul qilmagan, ammo 32 yoshli Gerreyru nomzodini boshqa variantlar qatorida jiddiy o‘rganmoqda.

Gerreyru o‘tgan mavsum yakuniga yetgach, erkin agentga aylangan. U «Bavariya» safida uch yil o‘ynadi. Himoyaning bir nechta pozisiyasida, shuningdek, yarim himoyada ham harakat qila oladigan futbolchi bunga qadar yetti yil davomida Dortmundning «Borussiya»si sharafini himoya qilgan.