"Интер" бош мураббийи Кристиан Киву Чемпионлар лигаси умумий босқичининг 1-турида "Реал"га қарши ўйин олдидан матбуот анжуманида фикр билдирди. Жамоалар 8 сентябрь куни Мадридда ўзаро тўқнаш келади.
"Сантьяго Бернабеу"да ўйнаш ҳар қандай жамоа учун осон эмас. "Интер" бу ерда 60 йилдан бери ғалаба қозонмаган. Кўплаб жамоалар ушбу стадионда қийинчиликка дуч келган.
Биз қўлимиздан келган барча ишни қиламиз, аммо ўз услубимиздан воз кечмаймиз. Майдонда устунлик қилишни ва янада кучайганимизни кўрсатишни истаймиз.
Шу билан бирга, "Реал"га қарши ўйнашнинг ягона идеал усули мавжуд эмас", — деди Киву.
