"Интер"дан "Лацио"га ўтган Давиде Фраттези "Удинезе"га қарши ўйинда яна гол урди. Кейинчалик у алмаштирилди, унинг ўрнига майдонга тушган Альберт Гюдмюндссон эса жамоага ғалаба келтирган гол муаллифи бўлди.
"Мен бу ердаги йигитларни яхши билардим. Илгари бирга ўйнамаган бўлсак-да, бизни узоқ йиллик дўстлик боғлаб туради.
Алмаштирилганимдан жуда жаҳлим чиққанди. Ўйинни давом эттириб, яна нимадир қилишни истагандим, ҳиссиётларимни қандайдир чиқаришим керак эди. Аммо мураббий ҳақ бўлиб чиқди: менинг ўрнимга тушган Гюдмюндссон гол урди. Шунинг учун мураббийга тан бераман ва энди индамайман", — дея Фраттезининг сўзларини cittaceleste.it келтирди.
"Лацио" А Сериянинг дастлабки 3 турида барча ўйинларда ғалаба қозонди.
