«Наполи» УЕФА Чемпионлар лигасида «Арсенал»га қарши ўйин олдидан хавфсизлик чораларини кучайтирмоқда.
Манбага кўра, жамоат тартиби нуқтаи назаридан мазкур учрашув юқори хавфли тадбир деб баҳоланган. Шу боис Диего Армандо Марадона номидаги стадионда ўтадиган ўйин маҳаллий ҳокимиятнинг алоҳида назоратига олинган.
Еврокубок баҳси учун ҳозиргача қарийб 45 мингта чипта сотилган. Чемпионлар лигаси ўйини чипталарининг қимматлиги стадион тўлиқ тўлмаслигининг асосий сабабларидан бири бўлиши мумкин. Англиядан тахминан 1500 нафар «Арсенал» мухлиси келиши кутилмоқда.
Хавфсизлик ходимлари асосий эътиборни меҳмон мухлисларининг ҳаракатланишини назорат қилиш ва рақиб жамоалар ишқибозлари ўртасида эҳтимолий тўқнашувларнинг олдини олишга қаратади. Маҳаллий ҳокимият ўйин куни ҳеч қандай нохуш ҳодиса юз бермаслиги учун кучайтирилган тартибда иш олиб боради.
«Наполи» — «Арсенал» учрашуви 9 сентябрь куни бўлиб ўтади.
