«Реал» бош мураббийи Жозе Моуринью Чемпионлар лигасида «Интер» устидан 2:1 ҳисобида қозонилган ғалабадан сўнг учрашув ҳақида фикр билдирди.

«Мен бу ўйинни ақлбовар қилмас даражада шиддатли деб атаган бўлардим. Одатда ўйин зерикарли кечса, кўп танқидлар бўлади. Аммо бугунги баҳс бутунлай бошқача ўтди — у ҳатто 7:6 ҳисобида ҳам якунланиши мумкин эди.

Майдон марказида менда вариантлар унчалик кўп эмасди. Муаммоларни кўрганимдан сўнг ўзгартишлар киритдим. Лекин футболчилар жуда яхши иш бажарди, деб ўйлайман.

Ўйин зерикарли бўлмади. Биз танаффусгача ҳисобни 3:0 қилиб қўйишимиз ҳам мумкин эди. Голларимиз рақиб хатоларидан кейин урилганига қўшиламан, аммо футболчиларимнинг меҳнатини ҳам алоҳида таъкидлаш керак. Чунки машғулотларда прессинг устида кўп ишлаймиз. Вальверденинг голи ҳам ана шу меҳнатнинг натижаси.

Куртуа бизни бир неча бор қутқарди. Лекин ўзимиз қарши ҳужумларда қанча имкониятдан фойдалана олмадик? Бу жуда ажойиб ўйин бўлди», — деди Моуринью Movistar эфирида.

«Реал» навбатдаги учрашувини 12 сентябрь куни Ла Лига доирасида ўз майдонида «Райо Вальекано»га қарши ўтказади.