«Реал» ҳужумчиси Килиан Мбаппе Жозе Моуринью қўл остида ишлаётганидан мамнун эканини айтди. Франциялик футболчи бу ҳақда Чемпионлар лигасида «Интер» устидан қозонилган ғалабадан сўнг гапирди.

«Жозе Моуринью сени ўзингни ҳақиқатан ҳам тирикдек ҳис қилишга мажбур қилади. У билан ишлаганда ўзингни алоҳида ҳис қиласан.

Мураббий сенга шунчалик катта ишонч ва ғалабага бўлган кучли чанқоқлик берса, унинг ишончини оқламасликни истамайсан. Аксинча, майдонда бор кучингни беришга ҳаракат қиласан», — дея Мбаппенинг сўзларини The Touchline келтиради.

«Интер»га қарши учрашувда Мбаппе гол уришга ҳам муваффақ бўлди. Айнан француз ҳужумчиси баҳсда ҳисобни очди.

«Реал» «Интер»ни 2:1 ҳисобида мағлуб этди. Чемпионлар лигасининг 2-турида мадридликлар яна А Серия вакили — «Рома»га қарши майдонга тушади.