«Real» hujumchisi Kilian Mbappe Joze Mourinyu qo‘l ostida ishlayotganidan mamnun ekanini aytdi. Fransiyalik futbolchi bu haqda Chempionlar ligasida «Inter» ustidan qozonilgan g‘alabadan so‘ng gapirdi.
«Joze Mourinyu seni o‘zingni haqiqatan ham tirikdek his qilishga majbur qiladi. U bilan ishlaganda o‘zingni alohida his qilasan.
Murabbiy senga shunchalik katta ishonch va g‘alabaga bo‘lgan kuchli chanqoqlik bersa, uning ishonchini oqlamaslikni istamaysan. Aksincha, maydonda bor kuchingni berishga harakat qilasan», — deya Mbappening so‘zlarini The Touchline keltiradi.
«Inter»ga qarshi uchrashuvda Mbappe gol urishga ham muvaffaq bo‘ldi. Aynan fransuz hujumchisi bahsda hisobni ochdi.
«Real» «Inter»ni 2:1 hisobida mag‘lub etdi. Chempionlar ligasining 2-turida madridliklar yana A Seriya vakili — «Roma»ga qarshi maydonga tushadi.
