Миланнинг «Интер» клуби Мадриднинг «Реал» клубига қарши ўйинда 1:2 ҳисобида мағлуб бўлди, аммо учрашув давомида жуда фаол ҳаракат қилди. Хусусан, «Интер» футболчилари ўйин давомида узатмаларнинг 94 фоизини аниқ амалга оширди.
Маълум бўлишича, бу 2003/2004 йилги мавсумдан бошлаб батафсил статистика юритила бошланганидан буён Чемпионлар лигасида «Реал»га қарши ўйнаган барча клублар орасида узатмалар аниқлиги бўйича энг юқори натижа ҳисобланади.
«Интер» Чемпионлар лигасидаги навбатдаги ўйинини Бельгиянинг «Брюгге» клубига қарши ўтказади. Бироқ бу учрашув октябрь ойида бўлиб ўтади.
