Milanning «Inter» klubi Madridning «Real» klubiga qarshi o‘yinda 1:2 hisobida mag‘lub bo‘ldi, ammo uchrashuv davomida juda faol harakat qildi. Xususan, «Inter» futbolchilari o‘yin davomida uzatmalarning 94 foizini aniq amalga oshirdi.

Ma’lum bo‘lishicha, bu 2003/2004 yilgi mavsumdan boshlab batafsil statistika yuritila boshlanganidan buyon Chempionlar ligasida «Real»ga qarshi o‘ynagan barcha klublar orasida uzatmalar aniqligi bo‘yicha eng yuqori natija hisoblanadi.

«Inter» Chempionlar ligasidagi navbatdagi o‘yinini Belgiyaning «Bryugge» klubiga qarshi o‘tkazadi. Biroq bu uchrashuv oktyabr oyida bo‘lib o‘tadi.